«Әкімшілік органдардың әкімшілік рәсімдердің біркелкілігін қалыптастыру жөніндегі қызметін жүзеге асыру қағидаларын бекіту туралы» Қазақстан Республикасы Үкіметінің 2025 жылғы 28 ақпандағы № 111 қаулысына толықтыру енгізу туралы
Қазақстан Республикасы Үкіметінің 2026 жылғы 23 қазандағы № 953 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Әкімшілік органдардың әкімшілік рәсімдердің біркелкілігін қалыптастыру жөніндегі қызметін жүзеге асыру қағидаларын бекіту туралы» Қазақстан Республикасы Үкіметінің 2025 жылғы 28 ақпандағы № 111 қаулысына мынадай толықтыру енгізілсін:
көрсетілген қаулымен бекітілген Әкімшілік органдардың әкімшілік рәсімдердің біркелкілігін қалыптастыру жөніндегі қызметін жүзеге асыру қағидалары мынадай мазмұндағы 3-тараумен толықтырылсын:
17. Хабарламаларды, ұсыныстарды, үн қосуды және сұранымдарды қарау кезінде әкімшілік практиканың біркелкілігін қалыптастыру мақсатында әкімшілік органдар ӘРПК-нің 89-бабында көзделген жауап беру, назарға алу не оңайлатылған әкімшілік рәсімді тоқтату туралы шешімдердің бірін қабылдайды.
Оңайлатылған әкімшілік рәсімді жүзеге асыру кезінде:
1) хабарлама бойынша мынадай мәліметтерді қамтитын жауап беріледі:
Қазақстан Республикасының заңдары мен өзге де нормативтік құқықтық актілерінің бұзылу фактісі бойынша қабылданған немесе қабылданып жатқан шаралар, мемлекеттік органдардың, жергілікті өзін-өзі басқару органдарының, мемлекеттік заңды тұлғалардың, жарғылық капиталына мемлекет жүз пайыз қатысатын заңды тұлғалардың және олардың лауазымды адамдарының жұмысындағы кемшіліктер туралы;